Камуна белоканияв «Азербайжаналъул халкъияв артист» Телман Адыгезалов.

 

Камуна белоканияв «Азербайжаналъул халкъияв артист» Телман Адыгезалов.




Гьаб къваридаб хабар кьуна Азербайжаналъул киналго информациялъулал органаз. Гьесул букIана 57 сон. Гъангъарав ва махщел кIудияв актер – гIумруялъго гьес боххизаруна тIолго Азербайжаналъул халкъ. Гьес хIарал ролал рукIана батIияб цо хасияталъул, балагьарав чиясда ракIалда хутIулел, индивидуалиял. Гьев хIарав театралъул спекталаздаса абизе бегьула «Макбет», «Илбис», «Вагиф», «Огь, Париж, Париж..», «КечI хутIана магIарда», «Жеги абичIо «Вокьулин»»; телевизионныял спектаклаздаса «гIурччинал цIороберазул чи», «мадугьалзаби», «Орбан-бурдан». Гьединго Телман хIана телевизионныял фильмаздаги – гьел ккола «Насими», «Гьумер гьороде ккун», «Дун гьавуна ралъдал рагIаллъабазда», «Ункъго гьатIан», «Бокьун буго бичIчIизе».
«Гьесул кIудияб гьунар букIана чиясул релъи бачIинабизе, вукIана цIакъ лъикIав, ракI тамахав ва махщел бугев чи. Гьединго вукIана лъикIав ва кидаго мугъ чIазе бегьулев гьудул» – абулеб буго халкъияв артист Яшар Нурица.
Телман Аббасгулу оглы Адыгезалов гьавуна 1953 соналъул I7 июлалда Белокан районалда. 1975 соналъ гьес лъугIизабуна Азербайжаналъул Пачалихъияб Институталъул актерлъиялъул факультет. 1980 соналдаса гьев хIалтIана Академическияб миллияб драмалъул театралда. 2000 соналъ гьесие щвана «МустахIикъав артист» абун цIар, 2006 соналдсаги гьев ккола «Халкъияв артист».
Театралъул хIалтIухъабаца абухъе, гьев цебесеб тIубараб къоялъ вукIун вуго театралда. Къаси цо тIубалалде гьес жиндир ясалъухъе ахIун буго жив квеш вугилан. Амма бачIаун щвараб «скорая помощалъул» тохтирзабазда гьев хвасар гьавизе кIун гьечIо. Абухъе, гьев хвана инфаркталдаса.
Телман камулароан киналго Белоканалъул жамагIаталъул мажлисаздаса. Цо дагь цеве гьев вукIана Бакуялъул «МагIарул Миллияб Маданияталъул Централъ» дандбараб магIарул миллияб вечералда. Жиндир халат бахъун гьабураб хитIабалда гьес кIудияб къимат кьуна «МагIарул Миллияб Маданияталъул Центаралъе», ва гьелъул гьарулел ишазе. Гьединго гьес кIудияб къимат кьуна гьеб централъ жакъа Азербажаналъул жамгIияталъе гьарулел ишазе, гьеб жакъа цебесеб мухъида бугила, азербайжаназул киналго халкъал цо кколила…

15 апрелалда камуна гьев халкъалъе, жиндир 57 соналда.
Мунагьал чураги, алжаналъул агьлуялдаса ватаги! Амин!


Создан 24 апр 2010



  Комментарии       
Имя или Email


При указании email на него будут отправляться ответы
Как имя будет использована первая часть email до @
Сам email нигде не отображается!
Зарегистрируйтесь, чтобы писать под своим ником