Гогаев Айдин: ункъмухъал

 
 

Гогаев Айдин: ункъмухъал




Тарихалда цIар арал
Цоралъул МагIарулал
Дагъистанлъи гIагарал
Закавказлъул аварал.

***
БацIал гьал мугIруязда
ЦIоралъул байдабазда
МагIарул намус хъвана
Тарихул варакъазда.

***
Цо кьибилул халкъалъул
ГIадлу гIамал цо буго
Кидаго мухIкамлъулеб
Гьезда гьоркьоб кьо буго.

***
МугIруязда мугъ чIарал
ЧIар-Тала ва Биликан
Гьаб ракьалда кьижулев
МугIрул гъалбацI ГIумма-Хан.

***
ЧIухIараб тарих бугаб
ЧIар-Биликан хIукумат
Дунялалда машгьураб
Гьаб ЦIоральул жамагIат.

***
Гьал бетIерги къуличIон
Тушбабазде дандчIвала
Гьаб тарихази нугIлъи
НекIсияб Жингуз-Хъала.

***
Гьездахунги къеркьала
Авшаразул Надир-шагь,
Гъоваса вуссун вуго
Чам батIияв падишагь.
***
ЛъебергIазар аскаргун
ВачIарав Ибрагьим-хан,
Гьасул ханлъулаб гIумру
ЦIор улкаялда лъугIан.

***
Гъоваса лъутIун вуго
Гуржиязул Таймураз
Гъанухъ гIуруд ун буго
Чанго царасул мураз.

***
Гьав генерал Гуляков
Гьездахун рагъдалъ чIвана
ЦIар арав Стрелагов
ИхIунтуну льутIана.

***
Дунялальул миллатаз
Гьази «лазги» цIар кьуна.
Гьаб цIаралде гIодобе
Чанго миллат цолъана.

***
Нижее вацльун руго
Гуржи, цIахур, падарал
ЦIорохъ гIумру гьубунал
РацIал ниже гIагарал.

***
Шамил имамасул цIар
Гьазиги хираб буго.
ХIажи-Мурадилги хоб
РацIази зиярт буго.

***
Дин исламул символлъун
ЧIола Билкан минара.
Ислам диналъул ваццал
РачIунел руго гъара.

***
Берцинал гIорал руго
МугIруздаса чвахулел.
Гьудуллъиялъул хIакалъ
Руго кучIдул ахIулел.

***
Гьазул бахча- лугъазда Чам батIияб пихъ буго
Гьаб берцинаб улкада
Кинго мехалъ их буго.

***
Алжаналъул цо бута
Дир шагьар Закатала.
Миллатазул гьудуллъул
Цо символ гIадин чIола.

***
КIатихъ росуль хъан буго
ЧIам асрабазул тарих
Дир пикраби шун руго
Хъала барай хан-Парихъ

***
Къадру-къимат цIикIараб
Нилъер росу Динчи
Депутатлъун вахъана
Гьаб росалъул бихьинчи*

***
Гьобол гьудул хирияб
Буго Къабахъчол роси.
ГIалжамул мужда льаги
ХIамзат бег Халиловси.

***
Гьасулаб захIмат буго
Къабахъчолилъул «мактаб»
Гьасдаса босун буго
ГIолал наслабаз адаб.

***
Нижей чIухIигун чIарав
Генерал Араблинский,
Дин исламде цIар бугев,
МахIаммад Гъолодински.

***



Хъачагъ Усуп абурав
Цо бахIарчи вукIана.
ВатIаналъи рокьигун
Гьасги гьаб дунял тана.

***

Баркала муж умумал
ЧIахъаге можор тарих.
Гъолъдаса ниж чIухIула,
Гъолъихъе ниж русула,
Гъальул гIамал босула,
Гъальие рец ахIула
ЧIахъаге Аваристан
ЧIахъаге ЧIар-Биликан.
Жиб гьитинаб цар кIудаб
Нижер хирияб ватIан.

***

__________________________________________________________________*дополнение __________________________________________________________________
31 марта - 25 апреля 2006г. Екатеринбург.
Гогаев Айдин МухIаммадил вас
Уралалъул пачалихъияб юридическияб академиялъул цIалдохъан

01 февраля 2009год.


Создан 17 июн 2010



  Комментарии       
Всего 1, последний 6 лет назад
wolkovich 03 фев 2011 ответить
воре маг!арулав,сахлъи!....
Имя или Email


При указании email на него будут отправляться ответы
Как имя будет использована первая часть email до @
Сам email нигде не отображается!
Зарегистрируйтесь, чтобы писать под своим ником